జాతీయ ఆర్చరీ అసోసియేషన్ (AAI) గురువారం ప్రకటించిన ఈ వార్తతో ఫ్యాన్స్‌లో జోష్ మామూలుగా లేదు. న్యూఢిల్లీలోని యమున స్పోర్ట్స్ కాంప్లెక్స్ వేదికగా అక్టోబర్ 2 నుంచి 12 వరకు జరగబోయే ఈ ప్రతిష్టాత్మక లీగ్‌లో, దేశీయ ఆర్చర్లు మాత్రమే కాదు – ప్రపంచం నలుమూలల నుంచి స్టార్ ఆర్చర్లు పోటీ పడబోతున్నారు.
సరికొత్త ఫ్రాంచైజీ ఫార్మాట్‌లో, ఫ్లడ్‌లైట్ల కింద జరిగే ఈ పోటీల్లో రికర్వ్‌, కాంపౌండ్ విభాగాల్లో మరింత థ్రిల్, డైనమిక్ గేమ్‌ప్లే చూడొచ్చు. మొత్తం 6 జట్లలో 36 మంది భారత టాప్ ఆర్చర్లు + 12 మంది అంతర్జాతీయ ఆర్చర్లు బరిలో దిగుతున్నారు.
రామ్ చరణ్ మాటల్లో:
“ఆర్చరీ అంటే క్రమశిక్షణ, ఫోకస్, పట్టుదల. అందుకే APLతో నా బంధం ప్రత్యేకం. భారత ఆర్చర్లను గ్లోబల్ స్పాట్‌లైట్‌లోకి తీసుకెళ్లే వేదిక ఇది. భవిష్యత్ అథ్లెట్లకు ప్రేరణగా నిలిచేందుకు సిద్ధంగా ఉన్నాను.”
జాతీయ ఆర్చరీ అసోసియేషన్ అధ్యక్షుడు అర్జున్ ముండా అభిప్రాయం:
“గ్రామాల నుంచి వచ్చిన ప్రతిభను ఈ లీగ్ వెలుగులోకి తెస్తుంది. రామ్ చరణ్ వంటి స్టార్ హీరో అంబాసిడర్‌గా ఉండటం వల్ల యువతలో ఆర్చరీపై క్రేజ్ పెరుగుతుంది.”
ఇదిలావుంటే… రామ్ చరణ్ ప్రస్తుతం తన భారీ ప్రాజెక్ట్ ‘పెద్ది’ షూటింగ్‌లో బిజీగా ఉన్నాడు.
ఇక ఫ్యాన్స్ మాత్రం ఒకే మాట అంటున్నారు:
“సినిమాల్లోనే కాదు, ఇప్పుడు క్రీడల్లోనూ రామ్ చరణ్ ఇంపాక్ట్ చూపెడతారు!”
చరణ్ APL అంబాసిడర్‌గా ఉండటం ఎంత బజ్ క్రియేట్ చేస్తుందని అనుకుంటున్నారు?
